तिहार मान्न हिँडेका खत्री दाजुभाइ परे बाघको आक्रमणमा 

असोज ६, सोलुखुम्बु । खोटाङमा तिहार मान्न घर जाँदै गरेका २ युवालाई बाघले आक्रमण गरेको छ ।  जिल्लाको दिक्तेल रुपाकोट मझुवागढी नगरपालिकाबाट दिप्रुङ चुइचुम्मा गाउँपालिकाको याम्खा तर्फ जाँदै गरेका २ जना युवालाई नगरपालिकाको वडा नम्बर ४ स्थीत दिक्तेल आहाले सडक खण्डमा बाघले आक्रमण गरेको हो ।  प्र.१–०५–००१ प ५७६७ नम्बरको मोटरसाइकलमा सवार दुईजना २७ वर्षीय रोशन खत्री र  २४ वर्षीय मिलन खत्रीलाई बाघले आक्रमण गरेको जिल्ला प्रहरी कार्यालय खोटाङले जनाएको छ । उनिहरु बुधबार साँझ करिव ७ बजेतिर दिक्तेलबाट याम्खा जाँदै गर्दा बाटोमै आक्रमणमा परेको प्रहरीले जनाएको छ ।  आक्रमणबाट दुवैजना घाइते भएको कार्यालयका सूचना अधिकारी राजु विष्टले बताउनुभयो ।  उहाँका अनुसार घाइतेहरूको दुबै हातमा, बाँया खुट्टामा र ढाडमा चिथरिएको चोट छ ।  उनीहरु दुवैको जिल्ला अस्पताल दिक्तेलमा उपचार भइरहेको छ । उनीहरु तिहार मनाउन घर जाँदै गरेको बुझिएको छ ।