माप्यमा बोलेरो दुर्घटना २ जनाको मृत्यु, घाईतेको संख्या एकिन हुन बाँकी

असाेज ६, साेलुखुम्बु । सोलुखुम्बुमा बोलेरो गाडी दुर्घटना हुँदा २ जनाको ज्यान गएको छ । विहीबार साँझ करिव ७ः३० बजेतीर सोताङ गाउँपालिकाबाट माप्य दुधकोशी गाउँपालिका तर्फ आउँदै गरेको बोलेरो गाडी दुर्घटनामा परेको हो । माप्य दुधकोशी गाउँपालिका वडा नम्बर ६ र ७ को सिमानामा रहेको भिरकुनामा दुर्घटनामा परेको गाडी सडकबाट करिव २ सय मिटर तल खसेको जनाइएको छ भने के कती जना घाइते भन्ने पुर्ण जानकारी आउन बाँकी छ । यद्यपी घाइतेहरुलाई नजिककैको स्वास्थ्य चौकीमा पु¥याउने काम भइरहेको छ । दुर्घटनास्थलमा वडा र प्रहरीको टोली जाँदै गरेको माप्य दुधकोशी गाउँपालिका वडा नम्बर ६ का अध्यक्ष राम प्रसाद मगरले बताउनुभयो ।