३ सय १० किमि लामो सोलुखुम्बु ट्रेल रेस शुरु, विभिन्न देशका २९ धावक सहभागी

कार्तिक १८, सोलुखुम्बु । ३ सय १० किलोमिटर लामो सोलुखुम्बु ट्रेल रेसको यो बर्षको संस्करण मंगलबारबाट शुरु भएको छ । अन्तराष्ट्रिय धावक दा छिरि दावा शेर्पाको फाउणडेशन र द स्मल वल्र्डको संयुक्त आयोजनामा भएको प्रतियोगिता यो पटक ३ हजार मिटर उचाईको पत्तालेबाट शुरु भएको हो ।

१५ दिन सम्म चल्ने ट्रेल रेसमा फ्रान्स, स्विस, बेल्जियम र नेपाल समेतका गरि २९ जना धावक सहभागि भएका छन् । पत्तालेबाट पिके, दधकुण्ड, फाक्दिङ हुँदै कालापत्थर पुगेर धावकहरु फाप्लुसम्म आइपुग्ने छन् । सन् २००८ देखि लगातार हुँदै आएको सोलुखुम्बु ट्रेल रेसको यो संस्करणले विश्वभर नेपाल सुरिक्षित र शान्त रहेको सन्देश जाने आयोजक संस्थाका अन्तराष्ट्रिय धावक दा छिरि दावा शेर्पाले वताए । विदेशी नागरिकहरु पनि उत्साहित रुपमा सहभागि भएका छन् ।

सहभागि धावकहरुले हिमाली क्षेत्रका सुन्दर र पर्यटकीय क्षेत्रहरुको प्रचार गर्ने हुनाले पर्यटन प्रबर्धनमा ठूलो टेवा पुग्ने आयोजकको दाबि छ । ट्रेलमा दक्ष चिकित्सक सहितको मेडिकल टिम पनि सामेल गरिएको छ ।