सोलुखुम्बुमा सकियो राष्ट्रिय कृषि आधुनिकीकरण कार्यक्रम कार्यान्वयन एकाइको समन्वय बैठक

कार्तिक २४, सोलुखुम्बु । हिमाली जिल्ला सोलुखुम्बुमा राष्ट्रिय कृषि आधुनिकीकरण कार्यक्रम कार्यान्वयन एकाइको समन्वय बैठक सम्पन्न भएको छ । आर्थिक वर्ष २०८२/०८३ का निति तथा कार्यक्रम कार्यान्वयनका लागि आयोजना गरिएको उक्त बैठकमा विभिन्न कार्यक्रमहरू सार्वजनिक गरिएको थियो ।

राष्ट्रिय कृषि आधुनिकिकरण कार्यक्रम अन्तर्गत कार्यक्रम कार्यान्वयन एकाइ आखोलढुगांका प्रमुख हेम बहादुर आले मगरले चालु आर्थिक वर्षका लागि ६ करोड ७ लाख रुपैयाँ बजेट विनियोजन गरिएको बताउनुभो । जस्मा पुजीँगत कार्यक्रमका लागि ३८ लाख, कार्यक्रम खर्चका लागि ४ करोड ३४ लाख, र प्रशासनिक खर्चका लागि १ करोड ६९ लाख छुट्याइएको छ ।

उक्त अवसरमा जिल्ला समन्वय समितिका प्रमुख कृष्ण प्रसाद निरौलाले जिल्लामा कृषि क्षेत्रमा देखिएका चुनौतीहरूको समाधानका लागि सहकार्य र समन्वयमा आफू सधैं प्रतिबद्ध रहेको बताउनुभयो । कार्यक्रममा विभिन्न स्थानीय तहका कृषि शाखाका प्रतिनिधिहरू उपस्थित थिए ।

प्रतिनिधिहरूले कृषी बजारदेखि संचालनमा रहेका कार्यक्रमहरूलाई अझ व्यवस्थित र प्रभावकारी तरिकाले सञ्चालन गर्न सकिने उपायहरूबारे सुझाव र धारणा प्रस्तुत गरेका थिए।