कार्तिक २७, सोलुखुम्बु । सुनको भाउ आज एकैदिन पाँच हजार नौ सय रुपैयाँले बढेको छ । आज सुन तोलामा पाँच हजार नौ सय रुपैयाँले बढेर तोलाको दुई लाख ५० हजार दुई सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
महासङ्घका अनुसार हिजो सुनको भाउ तोलाको दुई लाख ४४ हजार तीन सय रुपैयाँ थियो । यस्तै आज चाँदीको भाउ पनि बढेको छ । आज चाँदीको भाउ तोलामा एक सय ७० रुपैयाँले बढेर तोलाको तीन हजार तीन सय ४५ रुपैयाँमा कारोबार भइरहेको छ । हिजो चाँदीको भाउ तोलाको तीन हजार एक सय ७५ रुपैयाँ थियो ।
Discussion about this post