खोटाङका दुई पूर्व जिल्ला शिक्षा अधिकारीसँग २५ हजार धरौटी माग्ने आदेश

कार्तिक २७, सोलुखुम्बु । विशेष अदालत काठमाडौँले खोटाङका तत्कालीन दुई जना जिल्ला शिक्षा अधिकारीलाई धरौटीमा छाड्ने आदेश दिएको छ । विशेष अदालतका न्यायाधीशद्वय नारायणप्रसाद पौडेल र विदुर कोइरालाको इजलासले बिहीबार तत्कालीन जिल्ला शिक्षा अधिकारी गणेशप्रसाद भट्टराई र केशवप्रसाद दाहाललाई जनही २५ हजार रुपैयाँ धरौटीमा छाड्ने आदेश दिएको छ ।

अख्तियार दुरुपयोग अनुसन्धान आयोगले गत भदौ १५ गते तत्कालीन जिल्ला शिक्षा अधिकारी भट्टराई र दाहालसहित १३ जनाविरुद्ध खोटाङबाट विभिन्न विद्यालयको भवन निर्माणको समयमा रकम हिनामिना गरेको अभियोगमा विशेष अदालतमा मुद्दा दर्ता गरेको थियो । हलेसी तुवाचुङ नगरपालिका–४ स्थित लक्ष्मी माध्यमिक विद्यालय, बडहरेको विद्यालय भवन निर्माण गर्दा रकम हिनामिना गरेको आरोपमा अख्तियार दुरुपयोग अनुसन्धान आयोगले उनीहरूविरुद्ध विशेष अदालतमा मुद्दा दायर गरेको थियो ।