जेनजेड युनाइटेड नामक संस्था विदेशी विदेशी सक्ती केन्द्रबाट परिचालित छ ः संयोजक दाहाल 

कार्तिक ३०, सोलुखुम्बु । ओखलढुंगामा जेन जेड युनाइटेड मुभमेन्टले गर्ने भनेको कार्यक्रममा नजान जेन जेड ओखलढुङ्गाले आह्वान गरेको छ ।  एक विज्ञप्ति जारी गर्दै जेन जेड ओखलढुङ्गाका संयोजक रोशनराज दाहालले युनाइटेड अभियानको नाममा देशभर एकता अभियान गर्ने भनी गरिएको प्रचार सँग असली जेन जेडहरुको कुनै साइनो सम्बन्ध नभएको प्रष्ट पार्नुभएको हो ।  उहाँले आन्दोलनका क्रममा देखानै नपरेका अनुहारहरूको अगुवाईमा हुने भनिएको एकता अभियान सहभागी नहुन पनि आग्रह गर्नुभएको छ ।  उहाँले भ्रष्टाचार र बेथिति विरुद्ध खबरदारी गरिरहेको जानकारी गराउँदै ओखलढुङ्गाको आन्दोलनको इतिहास बिर्सने  भिजिलान्तेहरुलाई अमिट इतिहास नविर्सन अनुरोध गर्नुभएको छ ।  उहाँले जेन जेड युनाइटेट नामक अभियान विदेशी सक्तीको भरमा परिचालित भइरहेको समेत बताउनुभएको छ ।