गार्माका सय बढी किसनालाई प्लास्टिक टनेल

मंसिर १, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ७ गार्माले कृषकहरूलाई प्लाष्टिक टनेल वितरण गरेको छ ।  वडा कार्यालय गार्माको समन्वय तथा माउन्टेन स्प्रिीट फाउण्डेशनको आर्थिक सहयोगमा १ सय १० बढी कृषकहरूलाई प्लाष्टिक टनेल वितरण गरिएको हो । कृषि कर्म गर्ने १ सय १२ कृषकहरुका लागी टनेल वितरण गरिएको वडा अध्यक्ष सोनाम ग्याल्जेन शेर्पाले बताउनुभयो ।  वडामा कृषिकर्म गर्नेहरुको  सक्रियता, आवश्यकता र मागको आधारमा अनुगमन तथा मूल्याङ्कन गरी वितरण गरिएको उहाँको भनाई छ ।

यस्तै अध्यक्ष शेर्पाले छिटपुट रहेका कृषकहरूलाई विभिन्न चरणमा टनेल वितरण गरिने समेत उल्लेख गर्नुभएको थियो । टनेल वितरण कार्यक्रममा फाउन्डेशनका अध्यक्ष दोर्जी शेर्पाले कृषकहरूले टनेल हस्तान्तरण गर्नुभएको थियो । यस्तै  सोलु दुधकुण्ड नगरपालिकाका उपमेयर गान्धीमाया तामाङले  वडा नम्बर ७ तरकारी खेतीमा अग्रसर रहेको बताउनुभयो । टनेल प्राप्त गर्ने किसानहरूले खुसी व्यक्त गरेका छन्  भने आफूहरूको कृषि कर्ममा यसले थप टेवा पुग्ने विश्वास व्यक्त गरेका छन् ।