मंसिर ४, सोलुखुम्बु । उदयपुरमा जबरजस्ती करणी गरेको आरोपमा एक व्यक्तिलाई प्रहरीले पक्राउ गरेको छ । पक्राउ पर्नेमा लिम्चुङबुङ गाउँपालिका–१ बाँसबोटे मिलनटोल बस्ने ५८ वर्षीय ज्ञान बहादुर राई रहेका छन् ।
इलाका प्रहरी कार्यालय लिम्चुङबुङका अनुसार राईले ५४ वर्षीया महिलामाथि जबरजस्ती करणी गरेको आरोपमा पीडित पक्षले दिएको उजुरीका आधारमा बुधबार साँझ उनलाई घरबाटै पक्राउ गरिएको हो । प्रारम्भिक विवरणका अनुसार उजुरी दर्ता भएपछि प्रहरी टोली घटनास्थलमा खटिएको थियो । प्रहरीका अनुसार घटना सम्बन्धी थप तथ्यसम्बन्धमा आवश्यक अनुसन्धान भइरहेको छ ।
Discussion about this post