केदार माविमा निःशुल्क आँखा शिविर सम्पन्न, ४२६ जनाको परीक्षण

मंसिर ६, सोलुखुम्बु । सोलुखुम्बु नेचासल्यान गाउँपालिका ४ स्थित केदार माविमा नि : निशुल्क आँखा शिविर सम्पन्न भएको छ । मित्र समाज महाराजगन्ज, काठमाडौंको आयोजनामा शुक्रबार एक दिने निःशुल्क आँखा शिविर सम्पन्न भएको हो । शिविरमा नेत्ररोग विशेषज्ञहरूको टोलीले स्थानीय बासिन्दामाथि निःशुल्क आँखा परीक्षण तथा उपचार सेवा प्रदान गरेको थियो ।

शिविरमार्फत कुल ४२६ जनाको आँखा परीक्षण गरिएपछि ७८ जनालाई निःशुल्क चस्मा तथा आवश्यक औषधि वितरण गरिएको सहकर्मी सोभित ढुंगेलले जानकारी दिनुभयो । उहाँका अनुसार शिविर केदार माध्यमिक विद्यालय सहित सगरमाथा आवि, कालिका आवि, जालपा आवि, सूर्यदय आविका विद्यार्थी तथा शिक्षको आँखा परिक्षण गरिएको हो ।

शिविरले विशेषगरी विद्यालयका शिक्षक, विद्यार्थी र स्थानीय नागरिकलाई गुणस्तरीय उपचार पहुँचमा महत्वपूर्ण योगदान पुर्याएको छ । मानवीय सेवामा प्रत्यक्ष तथा अप्रत्यक्ष रूपमा सहयोग पुर्याएको जनाउँदै विद्यालय परिवारले मित्र समाज महाराजगन्ज, काठमाडौंप्रति धन्यवाद व्यक्त गरेको छ । समाजले यस्ता स्वास्थ्यमूलक कार्यक्रम भविष्यमा पनि निरन्तर सञ्चालन गर्ने प्रतिबद्धता जनाएको छ ।