लिम्चुङ्बुङ–५ मा जाल्पा र हुरेण्डेक उदयपुरको परियोजना परिचयात्मक तथा समीक्षा बैठक सम्पन्न

कार्तिक ६, सोलुखुम्बु । उदयपुरको लिम्चुङ्बुङ गाउँपालिका–५ जांतेमा जाल्पा एकीकृत विकास समाज उदयपुर र मानव अधिकार तथा वातावरण विकास केन्द्र ९हुरेण्डेक० उदयपुरद्वारा आयोजना गरिएको परियोजना परिचयात्मक तथा वार्षिक समीक्षा बैठक सम्पन्न भएको छ।

उक्त कार्यक्रममा वर्ल्ड भिजन इन्टरनेशनल नेपालको आर्थिक सहयोग तथा वडा नम्बर ५ कार्यलयको समन्वय रहेको थियो। बैठकमा जाल्पा एकीकृत विकास समाज उदयपुरले सञ्चालन गर्दै आएको संरक्षण समुदाय संलग्नता तथा स्पोन्सरशिप कार्यक्रम ९ऋभ्भ्क्ए० र हुरेण्डेक उदयपुरले सञ्चालन गरेको पोषण तथा उत्थानशील परियोजनाका २०२५ सालका गतिविधिहरूको समीक्षा गरिएको जनाइएको छ। दुवै संस्थाले २०२६ मा संचालन हुने कार्यक्रमहरूको विवरण परियोजना संयोजक सेखर कार्की र प्रोग्राम म्यानेजर बिकल सुवेदीले प्रस्तुत गरेका थिए।

कार्यक्रममार्फत लिम्चुङ्बुङ–५ का विपन्न बालबालिका तथा उनीहरूको परिवारलाई कृषि, स्वास्थ्य तथा जीविकोपार्जनमा प्रदान गरिएको सहयोगले महत्वपूर्ण योगदान पुर्‍याएको दुवै संस्थाले बताएका छन्। बैठकमा गाउँपालिका अध्यक्ष मेजर कुमार राई, उपाध्यक्ष पुस्पलाल राई, प्रमुख प्रशासनिक अधिकृत सन्देश राई, वडा अध्यक्ष कबिचन्द्र राई, हुरेण्डेक उदयपुरका अध्यक्ष शंकरबहादुर थापा सहित अन्य सरोकारवाला व्यक्तिहरूको उपस्थिति रहेको थियो।