मंसिर ७, सोेलुखुम्बु । उदयपुरको लिम्चुङबुङ गाउँपालिका–५, जाँतेमा आयोजित वडा स्तरीय पुरुष तथा महिला भलिबल प्रतियोगिता सम्पन्न भएको छ । लिम्चुङबुङ–५ जाँते खेलकुद विकास समितिको आयोजनामा सम्पन्न भएको समितिका अध्यक्ष रमनसेर राईले दिनुभयो ।
प्रतियोगितामा महिला तर्फ नव जागृति अभियान युवा क्लब हिम्माले पहिलो स्थान हात पार्दै उत्कृष्ट प्रदर्शन गरेको छ । त्यस्तै, थ्री स्टार युवा क्लब मतर्ला द्वितीय र सुर्योदय प्रगतिशील युवा क्लब चौलाने तृतीय स्थानमा रहे ।
पुरुषतर्फ पनि नव जागृति अभियान युवा क्लब हिम्माले विजयी बन्न सफल भयो। माहुरबुङ टोल विकास संस्था खोष्टुङ द्वितीय र पिपल गाछी युवा क्लब राजखौ तृतीय बने । प्रतियोगितामा पुरुषतर्फ १० र महिलातर्फ ५ टिमले सहभागिता जनाएका थिए ।
विजयी टिमहरूले पुरुष तथा महिला दुवै समूहमा क्रमशः प्रथम, द्वितीय र तृतीय स्थान हासिल गर्ने टोलीले १६ हजार, १२ हजार र ८ हजार रुपैयाँसहित ट्रफी, मेडल र प्रमाणपत्र प्राप्त गरेका छन् । प्रतियोगिताको पुरुषतर्फ उत्कृष्ट खेलाडी पुष्पराज बि.क. र महिलातर्फ सुस्मिता राईलाई ट्रफी तथा प्रमाणपत्र प्रदान गरिएको थियो ।
Discussion about this post