मंसिर ७, सोलुखुम्बु । सैनिक सम्बन्ध सुदृढ बनाउने उद्देश्यसँगै शिवदल गणले जनहितमुखी गतिविधिलाई निरन्तरताका साथ अघि बढाउँदै मोरङमा एक दिने बृहत् निःशुल्क स्वास्थ्य शिविर सम्पन्न गरेको छ । स्वास्थ्य सेवा पहुँचबाट बञ्चित विपन्न समुदायलाई लक्षित गरिएको शिविर मंसिर ६ गते जहदा गाउँपालिका–४, लोहोन्द्रा खोलानजिक रहेको दुर्गा मन्दिरको प्राङ्गणमा आयोजित गरिएको थियो ।
शिविर सञ्चालनमा सैनिक अस्पताल ईटहरीका कमाण्डेन्ट डा. कुमार रोका, नं. २ फील्ड एम्बुलेन्स गुल्म, हिले, धनकुटाका गुल्मपति डा. यमुना थापा तथा जिल्लास्थित विभिन्न स्वास्थ्य संस्था र कार्यालयहरूको उल्लेखनीय सहयोग रहेको थियो । स्वास्थ्य शिविरमार्फत साधारण स्वास्थ्य परीक्षणसँगै आँखा, दन्त, स्त्रीरोग, नाक–कान–घाँटी तथा बालरोग सम्बन्धी जाँच र परामर्श प्रदान गरिएको थियो ।
स्थानीय बासिन्दाको व्यापक सहभागितासहित पुरुष २ सय ७ र महिला २ सय ६८ गरी कुल ५ सय ५२ जनाले शिविरबाट प्रत्यक्ष स्वास्थ्य सेवा प्राप्त गरेका छन् । यस्ता सामाजिक तथा सेवामूलक गतिविधिले राज्य–जनताको आपसी सम्बन्ध मजबुत बनाउन थप योगदान गर्ने विश्वास आयोजक पक्षले व्यक्त गरेको छ ।
Discussion about this post