सोलु हाइड्रो सेयर भर्नेहरूको भिडले सल्लेरी अस्तव्यस्त  

मंसिर १०, साेलुखुम्बु ।  
दिपेन्द्र खनाल ः  नेचासल्यान गाउँपालिका वडा नम्बर २ का नन्द प्रसाद निरौला आज सल्लेरी आउनुभएको छ ।  आफ्नो नागरिकता सहित अन्य कागजातहरू क्लीएर व्यागमा भिरेर उहाँ सल्लेरी यसकारण आउनुभएको हो की उहाँलाई हाइड्रोले जिल्लावासीका लागी दिएको सेयर हिस्सामा भाग लिनु थियो । आफ्नो अधिकार सुनिश्चित गर्नु थियो ।  आफ्नो उमेर ले ८३ हान्यो, हिमाल रूपी दन्ते लहर छैनन्, आँखा कमजोर भएका छन् । तर उहाँको दुरदृष्टि भने कम भएको छैन ।  आफ्ना सन्ततीका लागी भएपनि केही रकम लगानी गरिदिने उद्देश्यले उहाँ सल्लेरीमा आएर सेयरमा आवेदन दिएर ढुक्क हुनुहुन्छ ।

यता लाला बाला सहित शेयर भर्न बैङ्कमा भौतिक उपस्थिति जनाइरहनु भएको छ ।   सोलुदुधकुण्ड नगरपालिका ८ टाप्टीङका स्थानीय एक राज थापा सल्लेरीमा शेयर हिस्सामा भाग लिन आएको बताउनुहुन्छ । उहाँले आफ्नो र परिवारको शेयर भर्नका लागी परिवारसँगै सल्लेरी आएको सुनाउनुभयो ।

सोलु हाइड्रो पावर लि. सोलुखुम्बुले जिल्लाभरलाई शेयरमा हिस्सा दिएपछि यतिखेर शेयर भर्ने हरुको भिड सल्लेरीमा देख्न सकिन्छ ।  मंसिर ७ गतेबाट हाइड्रोले जिल्लाभरका ८ ओटै पालीकालाई सेयर हिस्सा दिएपछि उत्साहका साथ  यतिखेर जिल्लाभरका लाभग्राही सेयर हिस्सामा सहभागी हुने क्रम निरन्तर छ । बैंकहरुमा डिम्याट खाता खोल्ने र शेयरको फारम लिनेहरूको भिड छ भने सल्लेरी बजारका सडकहरु लगभग जाम जस्तै बन्ने स्थिति छ ।  

सोलु हाइड्रोले ७ गते खुलाएको शेयर मंसिर २१ गते सम्म छिटोमा नागरिकहरुले भर्न सक्न छन् भने वैदेशिक रोजागरीमा रहेका सोलुबासीहरुले छिटोमा मंसिर १० गते सम्म र ढिलोमा मंसिर २१ गते सम्म आवेदन दिन सक्ने छन् । बैदेशीक रोजगारस्मा रहेकाहरुले सि – आस्वाबाटै फारम भर्न सक्ने भएकाले उनीहरूले बैङ्कमा भौतिक उपस्थिति हुन पर्ने बाध्यकारी अवस्था नभएपनि जिल्लाबासीहरुले भने तोकिएका बैंकहरुमा उपस्थित भएर फारम बुझपाउनुपर्ने हुन्छ ।