काठमाण्डाैबाटै सेयर फारम भराइरहेका युवाको टोलीले दिए ३ दिनमा झण्डै १६ सयलाई सेवा 

मंसिर ११, साेलुखुम्बु ।  तल्लो सोलु हाइड्रो पावर लि. ८२ मेगावाटको शेयर काठमाण्डौबाट समेत भर्ने व्यवस्था मिलाइएपछि उपत्यकामा रहेका  करिव १६ सयले उतैबाट सेवा लिएका छन् ।  दिनराज बास्तोला, बाबुराम आचार्य, भाइकाजी शर्मा, भिम राइ, इन्द्र बास्ताेला लगायतको युवा टोलीले जिल्लावासीलाई सेवा दिने उद्देश्यले काठमाण्डौमा सुरु गरिएको सेवाको तेश्रो दिन ६ सय बढीले सेवा लिएका छन् भने हाल सम्म १५ सय ८७ जनाले फारम भरेका छन् ।  भौतिक रुपमा बैङ्कमा उपस्थिति भएर फारम भरि सेवा लिँदा पर्खिनुपर्ने, समयको खर्च हुने अवस्थालाई हेरेर युवाहरूको सकृयतामा चावाहील काठमाण्डौको एउटा काउन्टरमा फाराम भर्ने सेवा प्रवाह गरिरहेको अभियन्ता तथा काङ्ग्रेस नेता दिनराज बाँस्तोलाले बताउनुभयो । 

अथक प्रयत्न सहित प्राप्त भएको उपलब्धीलाई आम जिल्लाबासीसँग जोड्नका लागी सुरु गरिएको अभियानमा हाल सम्म १५ सय ८६ नागरिक जोडिइसकेका छन् । उपत्यकावासी सोलुबासीहरुलाई प्राप्त सेवासँग जोड्दै अधिकार सुनिश्चित गराउन आफूहरूले हाल सम्म सहजिकरण गरिरहेको उल्लेख गर्नुभयो ।  बालबालिका, वृद्धवृद्धा, अशक्तहरूलाई लाइन बसेर फारम भर्न हुने जटिलतालाई मध्यनजर गरि सुरु गरिएको अभियान शेयर भर्ने अन्तीमअवधि सम्मनै कायम रहने नेता बाँस्तोलाको भनाई छ । सुरुमा केही पालिकालाई मात्रै सेयर हिस्सा दिएपछि उग्र रुपमा विवाद भएको थियो । पछि विभिन्न तहबाट भएको दवाव र सहजिकरण पछि हाइड्रोको शेयर हिस्सामा सम्पूर्ण जिल्ला समेटिएको थियो ।