मंसिर १३, सोलुखुम्बु ।
दोर्जी तामाङ । जिल्ला ट्राफिक प्रहरी कार्यालय सोलुखुम्बुले चालु आर्थिक बर्षका चौमासिक सम्म २ सय बढी सचेतनामुलक कार्यक्रम संचालन गरेको छ । कार्यालयले चालु आर्थिक बर्ष २०८२÷८३ को पहिलो चौमासिकमा २ सय बढि ट्राफिक सचेतना कार्यक्रम सञ्चालन गरेको हो । कार्यालयले नागरिकलाइ सचेत बनाउने उदेश्यका साथ यस अवधिमा २ सय ६ कार्यक्रम सञ्चालन गरेको जिल्ला ट्राफिक प्रहरी कार्यालयका प्रहरी जवान नेत्रकुमार तामाङका बताउनुभयो ।
उहाँका अनुसार उक्त कार्यक्रमबाट १ हजार ९ सय ५१ जना पुरुष र २ सय ७१ जना महिला गरि जम्मा २ हजार २ सय २२ जना लाभान्वित भएका छन् । कार्यक्रम अनुसार साउन महिनामा ६० वटा कार्यक्रम सञ्चालन गर्दा ६ सय २४ जना लाभान्वित भएका छन् भने, यस्तै भदौ महिनामा ५० वटा कार्यक्रम सञ्चालन गर्दा ५ सय २९ जना, असोज महिनामा ४२ वटा कार्यक्रम सञ्चालन गर्दा ४ सय ८२ जना र कार्तिक महिनामा ५४ वटा कार्यक्रम सञ्चालन गर्दा ५ सय ८७ जना नागरिक कार्यक्रमबाट लाभान्वित भएको कार्यालयको तथ्याङकमा उल्लेख गरिएको छ ।
जिल्ला ट्राफिक कार्यालयले आगामी दिनहरुमा नागरिकहरुलाई सचेत बनाउनका लागि जिल्लाका विकट स्थानहरुमा समेत पुगेर जनचेतनामुलक कार्यक्रमलाई थप प्रभावकारी बनाउदैँ जाने जिल्ला ट्राफिक प्रहरी कार्यालय सोलुखुम्बुले प्रतिबद्धता जनाएको छ ।
Discussion about this post