मंसिर १४, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ७ गार्मामा बालमैत्री ६ कोठे पक्की भवनको शिलान्यास हुने भएको छ । नगरपालिका र दातृ संस्था क्लासरुम्स इन द क्लाउड्स नेपालको संयुक्त लगानीमा गार्मा माध्यमिक विद्यालयमा बन्ने उक्त भवनको शिलान्यस हुने भएको हो ।
विद्यालयका प्रधानाध्यापक विनोद सिंह तामाङका अनुसार, उक्त भवनसँगै शौचालय लगायत अन्य आवश्यक संरचनाहरूको समेत निर्माण गरिनेछ । शिलान्यास कार्यक्रम सोमबार (भोलि) आयोजना गरिने उहाँले जानकारी दिनुभयो । बालमैत्री पक्की भवन निर्माण भएपछि विद्यार्थीहरूले सुरक्षित र सुसज्जित वातावरणमा अध्ययन गर्न पाउने तामाङको भनाई रहेको छ ।
नगरपालिकाका प्रतिनिधि र दातृ संस्थाका पदाधिकारीहरूले समेत कार्यक्रममा सहभागी भई भवन निर्माणको शुभारम्भ गर्ने कार्यक्रम रहेको छ । सोलुखुम्बुका ग्रामीण क्षेत्रका विद्यार्थीहरूको शैक्षिक वातावरण सुधार गर्न उक्त परियोजना महत्वपूर्ण हुने विश्वास गरिएको छ ।
Discussion about this post