सोलुदुधकुण्डमा ३४औं अन्तर्राष्ट्रिय अपाङ्गता दिवस मनाइयो

मंसिर १७, सोलुखुम्बु । सोलुखुम्बुको सोलुदुधकुण्ड नगरपालिकामा अपाङ्गता भएका व्यक्तिहरूको ३४औं अन्तर्राष्ट्रिय दिवस मनाइएको छ । नगरपालिकाको सहयोग तथा सोलुदुधकुण्ड अपाङगता मिलिजुली समुह सोलुदुधकुण्ड नगरपालिका वडा नम्बर ४ को आयोजनामा उक्त दिवस मनाइएको हो । समावेशी समाज निर्माण, अपाङ्गता भएका व्यक्तिहरूको अधिकार, अवसर र सम्मानको सुनिश्चितताका लागि यस दिवसले थप प्रेरणा दिएको वडा अध्यक्ष युवास तामाङले बताउनुभयो ।

विविधता भित्रको एकता र सबैको सहभागितामार्फत समान पहुँचयुक्त समाज बनाउने प्रतिबद्धता अझ सबल हुँदै गएको उहाँको भनाई छ । अपाङ्गता भएका नागरिकको हक अधिकार प्रवद्र्धनका लागि विश्वभर संयुक्त राष्ट्रसङ्घको पहलमा सन् १९९२ देखि हरेक वर्ष डिसेम्बर ३ तारिखका दिन अपाङ्गताभएका व्यक्तिहरूको अन्तर्राष्ट्रिय दिवस मनाउन थालिएको हो । यस वर्ष यस दिवसको नारा ‘अपाङ्गता समावेशी समाजको प्रवद्र्धनः सामाजिक उन्नतिको संवद्र्धन’ तय गरिएको छ ।

अपाङ्गता भएका व्यक्तिलाई कार्यालय, विद्यालय, सार्वजनिक गाडी, सडक, पार्क, मठमन्दिर, एवम् अन्य संरचनामा आवश्यकताअनुसारको मैत्रीपूर्ण भौतिक संरचना तथा अन्य आवश्यक वातावरण तयार गरी आवश्यक सुविधा उपलब्ध गराउनुपर्ने अनिवार्य आवश्यकता रहेको छ ।