पाँचौँ नेचासल्यान गोल्डकपको उपाधि सल्लेरी योङ ब्याइजलाई

मंसिर २१, सोलुखुम्बु । किरात समुदायको महान चाड उधौली पर्वको अवसरमा नेचासल्यान स्थित लाहुरेचौरमा सम्पन्न खुल्ला पुरुष फुटबल प्रतियोगिता तथा पाँचौँ नेचासल्यान गोल्डकपको उपाधि सल्लेरी योङ ब्याइजले हात पारेको छ । आज सम्पन्न फाइनल खेलमा सल्लेरी योङ ब्याइजले नेचा– 4  स्टार क्लबलाई ३–१ गोलअन्तरले पराजित गर्दै उपाधि आफ्नो पोल्टामा पारेको हो ।

१८ गतेदेखि सुरु भएको प्रतियोगिता उत्साहजनक वातावरणमा सम्पन्न भएको सहकर्मी सोभित ढुंगेलले जानकारी दिनुभयो । विजेता सल्लेरी योङ ब्याइजले नगद रु १ लाख ५० हजारसहित ट्रफी, मेडल र प्रमाणपत्र प्राप्त ग¥यो भने उपविजेता नेचा–4 स्टार क्लबले नगद रु ९० हजार, ट्रफी, मेडल र प्रमाणपत्र हासिल गरेको छ ।

यसैगरी, शान्त्वना पुरस्कारतहत ऐसेलुखर्क गाउँपालिका र नेचासल्यान–१ ले बराबरीरूपमा नगद रु ४०÷४० हजारसहित प्रमाणपत्र प्राप्त गरेका छन् । व्यक्तिगत विधातर्फ बेस्ट किपर र बेस्ट प्लेयर दुवै उपाधि सल्लेरी योङ ब्याइजका खेलाडीहरूले जिते भने बेस्ट डिफेन्डर र बेस्ट हाइस्कोरर (हाइस्को) नेचा–4  स्टार क्लबका खेलाडी घोषित भए । विजेता तथा उत्कृष्ट खेलाडीहरूलाई नगद, ट्रफी, मेडल र प्रमाणपत्र वितरण गरिएको थियो ।

पुरस्कार वितरण कार्यक्रम गाउँपालिका उपाध्यक्ष बिनाराइ तथा वडा नं. ५ का वडा अध्यक्ष राजनकुमार राईले संयुक्त रूपमा सम्पन्न गर्नुभएको थियो। प्रतियोगितामा कुल ११ टोलीहरूको सहभागिता रहेको आयोजक समितिले जनाएको छ ।