सोलुखुम्बुमा आगामी प्रतिनिधि सभा निर्वाचनका लागि १३५ मतदान केन्द्र निर्धारण

मंसिर २६, सोलुखुम्बु । आगामी फागुन २१ गते हुन लागेको प्रतिनिधि सभासदस्य निर्वाचनका लागि सोलुखुम्बुमा १३५ वटा मतदान केन्द्र निर्धारण गरिने जिल्ला निर्वाचन कार्यालय सोलुखुम्बुले जनाएको छ । जिल्ला निर्वाचन कार्यालयका सूचना अधिकारी नेत्र घिमिरेका अनुसार हालसम्म १३५ मतदान केन्द्र तोकिएको भए पनि मतदान स्थल १२२ मा थप एक केन्द्र आवश्यक पर्ने सम्भावना रहेकाले संख्या १२३ पुग्न सक्ने अनुमान गरिएको छ ।

जिल्लामा २०८२ असोज मसान्तसम्म दर्ता भएका मतदाताको संख्या ८२ हजार ८ सय ५४ रहेको छ । यससँगै नयाँ २ हजार ६६४ मतदाता आयोगबाट अनुमोदन भएर आउने प्रक्रिया बाँकी रहेको कार्यालयले जनाएको छ ।

गत भदौ २३ र २४ गते भएको ‘जेनजी आन्दोलन’ ले नयाँ नेतृत्वको वातावरण बनेपछि जिल्लाभर राजनीतिक दलहरू चुनावी तयारीमा तीव्रता ल्याएको देखिन्छ । निर्वाचन मिति नजिकिँदै जाँदा दलहरूको गतिविधि सक्रिय बन्दै गइरहेका कारण सोलुखुम्बुमा चुनावी माहोल चहलपहलयुक्त बनेको छ ।