बिद्यालयमा लैगिंक हिंसा बढी हुन्छ : प्रमुख जिल्ला अधिकारी पाण्डे

जेठ २५, सोलुखुम्बु । सोलुखुम्बुका प्रमुख जिल्ला अधिकारी देवि पाण्डे (खत्री) ले बिद्यालय स्तरमा बढी लैगिंक हिंसा हुने बताउनुभएको छ । शुक्रबार जिल्ला प्रहरी कार्यालय सोलुुखुम्बुको आयोजना गरिएको लैगिंक हिंसा र मानव बेचबिखन विरुद्वको अभियानमूलक २०८० अन्तर कार्यक्रममा यस्तो बताउनुभएको हो ।विद्यालयमा बिद्यार्थीहरु शिक्षकबाट बढी हिंसामा पर्ने भएकाले यस्तो कार्य नगर्न सम्र्पूण शिक्षकहरुलाई आग्रह गर्नुभएको छ ।

यस्तै प्रमुख अतिथिको आसनबाट बोल्दै जिल्ला समन्वय समितिका प्रमुख कृष्ण प्रसाद निरौलाले लैगिंक हिंसा र मानव बेचबिखान विरुद्वको सचेतनामूलक कार्यक्रमहरु कार्यक्रममा मात्र सिमित नराखि कार्यन्वायन गर्दै जानु पर्ने बताउनुभयो । लैगिंक हिंसा अन्त्य गर्नका लागि परिवर्तन आफुबाटै सुरु गर्नु पर्ने समेत औंल्याउनु भएको छ । लैगिंक हिंसा तथा मानव बेचबिखन मुक्त जिल्ला बनाउनका लागि आफ्नो तर्फबाट सक्दो सहयोग गर्ने प्रतिबद्धता ब्यक्त गर्नुभयो ।

यस्तै जिल्ला प्रहरी कार्यालय सोलुखुम्बुका प्रमख एवं प्रहरी नायव उपरीक्षक द्वारीका प्रसाद घिमिरेले समाजमा लैगिंक हिंसाको अवस्थाबारे विस्तृत रुपमा जानकारी दिनुभएको थियो । घरपरिवारबाटै लैगिंक हिंसाको अन्त्य हुने नसकेको उल्लेख गर्नुभयो । लैगिंक हिंसामा बढी बृद्धअबस्था, गर्भअवस्थाका महिला, शिशु अवस्थाका बालबालिका पर्ने गरेको (डिएसपी) घिमिरेको भनाई छ ।

लैंगिक हिंसामा परेको पिडितले तत्काले जिल्ला प्रहरी कार्यालय, स्थानिय तह, राष्ट्रिय महिला आयोग र अदालतमा उजुरी गर्न समेत आग्रह गर्नुभयो । जिल्लामा आर्थिक बर्ष २०८०÷०८१ मा जबरजस्ति करणीमा ११ वटा मुदा दर्ता भएकोमा ८ वटा फर्छ्यौट भइसकेको छ । यस्तै जबरजस्ति करणी उद्योगमा २ वटा मुद्वा दर्ता भएकोमा २ वटै मुदा फर्छ्यौट भइसकेको जिल्ला प्रहरी कार्यालयको तथ्याङ्मा उल्लेख गरिएको छ ।

उक्त कार्यक्रम जिल्ला समन्वय समितिको समिक्षालय हलमा प्रमुख जिल्ला अधिकारी देवि पाण्डे (खत्री) को अध्यक्षता तथा जिल्ला समन्वय समितिका प्रमुख कृष्ण प्रसाद निरौलाको प्रमुख आतिथ्यतामा कार्यक्रम सम्पन्न भएको हो ।