गण्डकी र कर्णालीका पहाडी भागमा आंशिक बदली, बाँकी क्षेत्रमा मौसम सफा

पौष १, सोलुखुम्बु । आज गण्डकी र कर्णाली प्रदेशका पहाडी भागमा मौसम आंशिक बदली छ । देशका अरू बाँकी भागमा मुख्यतया मौसम सफा छ । अहिले नेपालमा पश्चिम वायुको आंशिक प्रभाव रहेको मौसम पूर्वानुमान महाशाखाले जनाएको छ । आज दिउँसो कोशी प्रदेशको हिमाली भागमा आंशिक बदली रही बाँकी भू–भागमा मौसम सफा रहने अनुमान छ । आजराति देशभरको मौसम मुख्यतया सफा रहने महाशाखाले जनाएको छ ।