भदौरेका  दम्पत्तीको  हत्या प्रकरण ः  अनुसन्धानका लाग प्रदेश प्रहरी बाटो लाग्यो

पौष १५, सोलुखुम्बु । ओखलढुंगाको चिसंखुगढी गाउँपालिका वडा नम्बर ६ का १ दम्पत्ती मृत अवस्थामा फेला परेपछी घटना संकास्पद भन्दै अनुसनधान तिव्र बनाइएको छ । गएराती आफ्नै घरमा सुतेका दम्पत्ती विहान मृत अवस्थामा घर नजिकको मतान घरमा मृत फेला परेपछी घटनाको अनुसन्धान तिव्र बनाइएको हो । अन्दाजी ६० वर्षिय सोभित मान थापा मगर र सोही उमेरकी उनकी श्रीमती आफ्नै घरमा विहान मृत अवस्थामा फेला परेका थिए । किराना पसल चलाएर बस्ने मगर दम्पत्तीलाई अज्ञात समुहले हत्या गरि मतान गोठमा लगेर स्याउलाले छोपेको अवस्थामा फेला परेको चिसंखुगढी गाउँपालिका वडा नम्बर ६ भदौरेका अध्यक्ष बलराम कट्वालले बताउनुभयो ।

उनिहरुको मृत्यु सामान्य नभई हत्या भएको पुष्टि प्रहरीले नै गरिसकेकाले हत्या अनुसनधानका लागी प्रदेश प्रहरी कार्यालय विराटनगरबाट कुकर सहितको प्रहरी टोली घटनास्थल तर्फ हिँडिसकेको जनाइएको छ । १ छोरा र ५ छोरीको परिवार भएका मगर दम्पत्ती हाल घरमा श्रीमान र श्रीमती २ जना मात्रै बस्दै आएका थिए । रोजगारी लगायत विभिन्न कामका लागी बाहिर रहेका उनिहरुका सन्तान नभएको मौका छोपी हत्याराहरुले हत्या गरेको हुनसक्ने अध्यक्ष कट्वालको भनाई छ । अहिले घटना स्थलमा जिल्ला प्हरी कार्यालय ओखलढुंगाका प्रहरी टोली खटिइ गएर घटनास्थल थप अनुसन्धानका लागी सुरक्षित राखिरहेको जनाइएको छ ।