प्रतिनिधिसभा निर्वाचन : एमाले सोलुबाट प्रत्यक्ष तर्फ ५ जनाको सिफारिस

पौष २२, सोलुखुम्बु । आसन्न प्रतिनिधिसभा निर्वाचनका लागि नेकपा एमाले सोलुखुम्बुबाट प्रत्यक्ष तर्फ ५ जनाको नाम सिफारिस भएको छ । एमाले जिल्ला किमिटिको बैठकले प्रत्यक्ष तर्फ पुर्व रक्षा मन्त्रि सहित ५ जना नेताको नाम उम्मेदवारका लागि सिफारिस गरेको हो ।

सिफारिसमा पर्नेमा पार्टीका केन्द्रिय सदस्य तथा पुर्व रक्षामन्त्रि मानवीर राई, जिल्ला अध्यक्ष डुफकुमार बाँस्तोला, जिल्ला सचिव कल्पना राई, युवा नेता विरउदास श्रेष्ठ र नेतृ सुर्यकुमारी सुनुवार रहेका छन् । जिल्ला कमिटिको बैठकमा अधिकांश युवाहरुले नयाँ अनुहारलाई प्राथमिक्ता दिनु पर्ने आवाज उठाएका थिए । पार्टीबाट यस अघि सांसद भईसकेका नभई अवसर नपाएका नयाँहरुलाई पार्टीले उम्मेदवार बनाउनु पर्ने आवाज उठेको जिल्ला सचिव कल्पना राईले जानकारी दिईन ।