स्व. त्रिभुराज राईको प्रथम स्मृतिमा २ लाख रुपैयाँको अक्षयकोष स्थापना

पौष २४, सोलुखुम्बु । उदयपुरको लिम्चुङ्बुङ गाउँपालिका–५ जाँतेस्थित जनता माध्यमिक विद्यालयमा पूर्व विद्यालय व्यवस्थापन समितिका अध्यक्ष स्व. त्रिभुराज राईको प्रथम वार्षिक स्मृतिमा २ लाख रुपैयाँको अक्षयकोष स्थापना गरिएको छ । स्व. राईका छोरा तथा लिम्चुङ्बुङ गाउँपालिका–५ का वडाध्यक्ष कविचन्द्र राईसहित सम्पूर्ण परिवारको प्रायोजन र जनता माध्यमिक विद्यालय जाँतेको आयोजनामा अक्षयकोष स्थापना गरिएको हो ।

सो अवसरमा अन्तर बालक्लबस्तरीय हाजिरीजवाफ प्रतियोगिता पनि आयोजना गरिएको छ । पौष २२ गते सम्पन्न प्रतियोगितामा ९ वटा बालक्लबको सहभागिता रहेको थियो । प्रतियोगितामा नवज्योति बालक्लब, टोड्केले प्रथम स्थान हासिल गरेको छ भने बृहस्पति बालक्लब, खोस्टुङ दोस्रो, चुमोलुङ्मा बालक्लब, मतर्ला तृतीय र उदय बालक्लब, मिनासिले सान्त्वना स्थान प्राप्त गरेका छन् । प्रतियोगिताका विजेता तथा सहभागी सबै बालक्लबलाई स्टेशनरी सामग्री पुरस्कारका रूपमा प्रदान गरिएको थियो ।

कार्यक्रममा जनप्रतिनिधि, अभिभावक, शिक्षक, विद्यार्थी लगायतको उल्लेख्य उपस्थिति रहेको थियो। कार्यक्रम लिम्चुङ्बुङ गाउँपालिकाका उपप्रमुख पुष्पलाल राईको प्रमुख आतिथ्यतामा सम्पन्न भएको थियो । शिक्षा र विद्यार्थीको बौद्धिक विकासमा योगदान पु¥याउने उद्देश्यले स्थापना गरिएको अक्षयकोषले आगामी दिनमा विद्यालयको शैक्षिक गतिविधिमा थप सहयोग पुग्ने अपेक्षा गरिएको छ ।