नेपाली काँग्रेसले सोलुखुम्बुमा प्रतिनिधि सभामा प्रकास सिंह कार्की उठाउने

माघ ५, सोलुखुम्बु । नेपाली काँग्रेसले हिमाली जिल्ला सोलुखुम्बुमा प्रकाशसिंह कार्कीलाई प्रतिनिधि सभाको टिकट दिएको छ । पार्टीका महाधिबेशन प्रतिनिधि रहेका कार्कीलाई काँग्रेसले आसन्न फागुन २१ को चुनावका लागि प्रत्यक्ष तर्फको टिकट थमाएको हो । पार्टीको आन्तरिक चुनावमा लोकप्रिय मत सहित महाधिबेशन प्रतिनिधिमा जितेका कार्कीले पार्टी भित्रका प्रतिश्पर्धिहरुलाई उछिन्दै काँग्रेसको उम्मेदवार बन्न सफल भएका हुन् ।

वि.सं २०४८ साल देखि लगातार चुनाब लड्दै आएका पुर्व मन्त्रि तथा काँग्रेस केन्द्रिय सदस्य बलबहादुर केसीले यो चुनाव नलड्ने घोषणा सँगै दोश्रो तहका नेताहरु चुनावी दौडमा थिए । टिकटका लागि पार्टी नेताहरु आङगेलु शेर्पा, विनोद बस्नेत र कार्की मुख्य दाबेदार थिए । पार्टी सभापति गगन थापाले अन्तिम समयमा आएर कार्कीलाई टिकट दिएका हुन् । अघिल्लो निर्वाचनमा सोलुखुम्बुबाट नेकपा एमालेका नेता मानवीर राई निर्वाचित भएर रक्षा मन्त्रि बनेका थिए ।