माघ १५, सोलुखुम्बु । चौदण्डीगढी नगरपालिकाको संयोजन तथा बसाहा क्लबको आयोजनामा जारी ११ औँ नारदमणी स्मृति गोल्डकप फुटबल प्रतियोगिताको उद्घाटन सम्पन्न भएको छ । चौदण्डीगढी नगरपालिकाका प्रमुख कालुमान लामाको प्रमुख आतिथ्यतामा उद्घाटन भई सुरु भएको प्रतियोगिता नारद आदर्श रङ्गशालामा सञ्चालन भइरहेको छ ।
उद्घाटन खेलमा योङ ब्रदर क्लव इटहरीले सुरुवाती जित निकालेको छ । उक्त टिमले प्रतिष्पर्धी टिमलाई १ का विरुद्ध सुन्य गोलका साथ जित निकालेको हो । खेलको पहिलो दिन आज आयोजक बसाहा क्लब र योङ् ब्रदर्स क्लव ईटहरी सुनसरीबीच भएको थियो । यस्तै दोस्रोदिन सहलेस युवा केलव सिरहा र दमक फुटबल एकेडेमी झापाबीच हुनेछ । तेस्रोदिन न्यु त्रियुगा स्पोर्टस् क्लव सप्तरी र नेपाल खेलकुद क्लव रौतहटबीच हुनेछ भने चौथोदिन एपिएफ क्लव काठमाडौ र एलएक्स सिटी फुटबल क्लव मोरङबीच हुनेछ ।
नकआउट बिधिमा खेलाइदा १८ गतेसम्ममा पहिलोचरणको खेल सकिएर सेमिफाईनल प्रवेश हुनेछ । १९ र २० गते सेमिफाइनल भई २२ गते फाइनल हुनेछ । प्रतियोगिता उद्घाटनमा संयोजनकर्ता स्थानीय तह चौदण्डीगढी नगरपालिकाका मेयर एवं अन्य जनप्रतिनिधि, कटारी नगरपालिकाका मेयर राजेशचन्द्र श्रेष्ठ, बेलका नगरपालिकाका मेयर अशोक कार्की लगायत स्थानीयको बाक्लो उपस्थीति रहेको थियो ।
उद्घाटन कार्याक्रममा बोल्दै चौदण्डीगढी नगरपालिकाका मेयर एवं प्रमुख अतिथि कालुमान लामाले खेल क्षेत्रको विकासका लागी नगरपालिकाले लगानी गरिरहेको उल्लेख गर्दै खेल क्षेत्रको माध्यमबाट नगरपालिकालाई चिनाउने काम भइरहेको उल्लेख गर्नुभयो ।
Discussion about this post