ऐसेलुखर्कमा किशोरी लक्षित एचपीभी खोप अभियान माघ २८ देखि

माघ १९, सोलुखुम्बु । खोटाङको ऐसेलुखर्क गाउँपालिकामा किशोरीहरूलाई पाठेघरको मुखको क्यान्सरबाट बचाउन एचपीभी (ह्युमन प्यापिलोमा भाइरस) खोप लगाइने भएको छ । गाउँपालिकाको स्वास्थ्य शाखाका अनुसार माघ २८ गतेदेखि फागुन १ गतेसम्म विद्यालय केन्द्रित एचपीभी खोप अभियान सञ्चालन गरिनेछ । अभियान अन्तर्गत कक्षा ६ मा अध्ययनरत छात्रा तथा विद्यालय नजाने १० देखि १४ वर्ष उमेर समूहका किशोरीहरूलाई खोप सेवा प्रदान गरिने स्वास्थ्य शाखा प्रमुख सचिन श्रेष्ठले जानकारी दिनुभयो ।

उहाँका अनुसार गाउँपालिकाका सातै वडामा माघ २८, २९ र फागुन १ गते खोप कार्यक्रम सञ्चालन हुनेछ । एचपीभी पाठेघरको मुखको क्यान्सरको प्रमुख कारण मानिने भाइरस हो, जुन मुख्यतया यौन सम्पर्कबाट सर्ने संक्रमण हो । स्वास्थ्य कार्यालयका प्रमुख श्रेष्ठले प्रारम्भिक किशोरावस्थामै एचपीभी खोप लगाउँदा यसले दीर्घकालीन रूपमा पाठेघरको मुखको क्यान्सरबाट बचाउन प्रभावकारी हुने बताउनुभयो ।

त्यसैले लक्षित उमेर समूहका किशोरीहरूलाई खोप दिन लागिएको उहाँको भनाइ छ । स्वास्थ्य कार्यालयले लक्षित सबै किशोरीहरूलाई अभियानमा सहभागी भई खोप लगाउन आग्रह गरेको छ । फरक फरक हेडलाइन लेख