सोलु काङ्ग्रेसको निर्वाचन केन्द्रित बैठक, ‘हेवी वेट’ नेताहरुले लिए महत्वपुर्ण जिम्मेवारी

माघ २०, सोलुखुम्बु । नेपाली काङग्रेस सोलुखुम्बुले निर्वाचन केन्द्रित विभिन्न ५ वटा समिति गठन गरेको छ । निर्वाचन केन्द्रित रणनीतिक बैठकमा आगामी फागुन २१ का लागी तय गरिएको प्रतिनिधी सभा सदस्य निर्वाचनमा सोलुखुम्बुका उम्मेद्वारलाई जिताउनका लागी आज सल्लेरीमा सम्पन्न बैठकले विभिन्न ५ वटा समिति गठन गरेको हो ।

जिल्ला सभापति नाम्गेल जाङबु शेर्पाको सभापतित्वमा सम्पन्न बैठकले शेर्पाको संयोजकत्वमा निर्वाचन परिचालन मुल समिति गठन गरेको छ । निर्वाचनमा काङ्ग्रेसको जित सुनिश्चीत गर्नका लागी जिल्ला सभापति शेर्पाको संयोजकत्वमा निर्वाचन परिचालन मुल समिति गठन गरिएको हो । यो समितिमा जिल्ला कार्य समितिका सदस्य, प्रदेश सदस्य, प्रदेश क्षेत्रीय निर्वाचन क्षेत्रका सदस्य र गाउँपालिकाका सभापतिहरु सदस्य रहने छन् । यस्तै बैठकले पुर्व मन्त्रधी बल बहादुर केसीको संयोजकत्वमा निर्वाचन अनुगमन समिति गठन गरिएको छ । केसीको संयोजकत्वको यो समितिमा जिल्लाका हेवी वेट काङ्ग्रेस नेताहरुलाई चयन गरिएको छ ।

केसी नेतृत्वको अनुगमन समितिको सदस्यहरुमा काङ्ग्रेस नेता आङगेलु शेर्पा, पुर्व सभापति विनोद बस्नेत, छत्र बस्नेत, प्रभुराम बस्नेतलाई चयन गरिएको छ । यस्तै केन्द्रिय सदस्इहरु धर्म नेपाली र छिण्डील्हमकु शेर्पालाई पनि चयन गरिएको छ । यस्तै जिल्ला उपसभापति तथा नेलेका वडा अध्यक्ष घनराज सुनुवारको संयोजकत्वमा निर्वाचन प्रचार प्रसार समिति गठन गरिएको छ । यो समितिमा जिल्ला कार्य समितिका पदाधिकारी, महाधिवेशन प्रतिनिधी, कोशी प्रदेश सभा सदस्य तथा भातृ संगठनका सदस्यहरु सदस्य रहने व्यवस्था गरिएको छ ।

यस्तै स्थानीय प्रसासन समन्वय समितिको संयोजकमा सोलुदुधकुण्ड नगरपालिकाका उपमेयर गान्धीमाया तामाङ संयोजक तोकिएको छ । यस समितिको सदस्यहरुमा नगरपालिका तथा प्रदेश समितिका कार्य सम्पादन समिति सदस्यहरु, स्थानीय तहका निर्वाचित वडा अध्यक्षहरुलाई सदस्य तोकिएको छ । यस्तै आजेको बैठकले निर्वाचन व्यवस्थापन सचिवालय समिति समेत गठन गरेको छ । जिल्ला सचिव युवारज घिमिरेको संयोजकत्वमा गठित समितिमा महाधिवेशन प्रतिनिधी पुजा फुयाल र राधिका श्रेष्ठलाई सदस्यको जिम्ेवारी तोकिएको छ ।