माघ २१, सोलुखुम्बु । सोलुखुम्बु जिल्लाको खुम्बु पासाङल्हामु गाउँपालिका–२ लुक्लाबाट वडा नम्बर–३ चौरीखर्क हुँदै छेप्लुङसम्म जोड्ने पर्यटकीय पदमार्ग निर्माणको काम ५० प्रतिशत सम्पन्न भएको छ। स्थानीय पर्यटन प्रवर्द्धन र आवागमन सहज बनाउने उद्देश्यले निर्माण भइरहेको उक्त पदमार्ग क्रमशः अघि बढिरहेको छ।
खुम्बु पासाङल्हामु गाउँपालिकाले आर्थिक वर्ष ०८२/८३ का लागि पदमार्ग निर्माणका लागि २० लाख रुपैयाँ बजेट विनियोजन गरेको थियो। सोही बजेटअन्तर्गत निर्माण कार्य सञ्चालन भइरहेको गाउँपालिकाले जनाएको छ। पदमार्ग निर्माण अन्तर्गत लुक्ला–चौरीखर्क खण्डको काम सम्पन्न भइसकेको छ भने चौरीखर्क–छेप्लुङ खण्डको निर्माण कार्य हाल प्रारम्भिक चरणमा रहेको छ।
निर्माण कार्य तोकिएको मापदण्डअनुसार अघि बढिरहेको र बाँकी काम पनि समयमै सम्पन्न गर्ने लक्ष्य राखिएको छ। उक्त पदमार्ग निर्माण सम्पन्न भएपछि स्थानीय बासिन्दा तथा पर्यटकहरूलाई आवागमनमा सहजता पुग्नुका साथै क्षेत्रीय पर्यटन विकासमा समेत टेवा पुग्ने अपेक्षा गरिएको छ।
Discussion about this post