खोटाङमा माघ २८ गते नेशनल भोलिन्टियर फोर्सको जिल्ला तथा पालिका कमाण्ड घोषणा

अशोक साम्पाङ, खोटाङ । नेकपा एमाले निकट जनवर्गीय संगठन नेशनल भोलिन्टियर फोर्स (पिपुल भोलिन्टियर फोर्स)ले माघ २८ गते बुधबार खोटाङमा जिल्ला कमाण्ड तथा पालिका कमाण्ड घोषणा कार्यक्रम आयोजना गर्ने भएको छ । कार्यक्रम माघ २८ गते दिउँसो १२ बजे नेकपा एमाले खोटाङको पार्टी कार्यालयबाट मोटरसाइकल ¥यालीसहित सुरु गरिने आयोजकले जनाएको छ । मोटरसाइकल ¥याली हस्पिटल चोक हुँदै नेपाल टेलिकम, त्रिवेणी चोक, जिरो प्वाइन्ट हुँदै शुभम् फाउन्डेसन पुग्नेछ । उक्त स्थानमा औपचारिक रूपमा जिल्ला तथा पालिका कमाण्ड घोषणा गरिने तयारी रहेको नेकपा एमाले केन्द्रीय हेडक्वार्टर सचिवालय सदस्य(कमाण्डर) दिलचक्र राईले जानकारी दिनुभयो । जिल्लाभर संगठन विस्तार गर्नु, स्वयंसेवक संरचनालाई सुदृढ बनाउनु तथा खोटाङका उम्मेदवार देवविक्रम राईलाई जिताउन संगठनलाई सक्रिय बनाउने उद्देश्यले कमाण्ड घोषणा कार्यक्रम आयोजना गर्न लागिएको आयोजकको भनाइ छ । कार्यक्रमका प्रमुख अतिथि संविधानसभा सदस्य तथा पूर्व सांसद विशाल भट्टराई रहनुहुनेछ । कार्यक्रममा संगठनका केन्द्रीय, जिल्ला तथा पालिका तहका पदाधिकारी, नेकपा एमालेका नेता-कार्यकर्ता तथा समर्थकहरूको उल्लेख्य सहभागिता रहने जनाइएको छ । साथै, आगामी दिनमा जिल्लाभर विभिन्न सामाजिक तथा स्वयंसेवी गतिविधिलाई अझ प्रभावकारी रूपमा सञ्चालन गरिने आयोजकले बताएका छन् ।