माप्य दुधकोशी गाउँपालिकामा सयौं नेता तथा कार्यकर्ता नेकपामा प्रवेश गरेपछि राजनीतिक तरङ

फागुन २, सोलुखुम्बु । सोलुखुम्बुको माप्य दुधकोशी गाउँपालिकामा एकैदिन ठूलो संख्यामा नेता तथा कार्यकर्ताहरू नेपाली कम्युनिष्ट पार्टी ९नेकपा० मा प्रवेश गरेपछि स्थानीय राजनीतिमा नयाँ तरङ पैदा भएको छ। विभिन्न राजनीतिक दल परित्याग गर्दै २ सय २४ जनाले नेकपामा औपचारिक रूपमा प्रवेश गरेका हुन्।

पार्टी प्रवेश गर्नेहरूमा नेपाल कम्युनिष्ट पार्टी ९एमाले० का जिल्ला नेता टिका राई, वडा नम्बर ७ का एमाले अध्यक्ष पर्शुराम राई, पूर्व वडाध्यक्ष रमेश राई, कुमारसिं राई तथा नेपाली कांग्रेसका दोर्जे राई, दिलकुमार राईलगायत १५६ जना रहेका छन्। नेकपाका नेता प्रकाश खालिङका अनुसार वडा नम्बर ६ बाट एमाले, कांग्रेसलगायत विभिन्न दल त्यागेर थप ६८ जना नेकपामा प्रवेश गरेका छन्।

पछिल्लो समय माप्यदुधकोशी गाउँपालिकामा नेकपाप्रति आकर्षण बढ्दो रहेको उनले बताए । पार्टी प्रवेश गर्नेहरूले जिल्लामा विकासको नेतृत्व गर्न सक्ने सक्षम युवा नेतृत्वका रूपमा असिम राईलाई अघि सार्दै उनलाई संसदमा पठाउने उद्देश्यसहित आफूहरू नेकपामा आबद्ध भएको बताएका छन्। उनीहरूले नेकपाको नीति तथा कार्यक्रम वर्तमान समय सापेक्ष र जनमुखी रहेको दाबी गरेका छन्। नवप्रवेशीहरूलाई नेकपाका केन्द्रीय सदस्य शिव बहादुर बस्नेत ९राजेन्द्र० र प्रतिनिधि सभा सदस्यका उम्मेदवार असिम राईले स्वागत गरेका थिए।