आज १२ औँ कृषक दिवस : कृषकमा निरासा, धरासायी पेशा

जेठ १७ सोलुखुम्बु । आज १२ औँ राष्ट्रिय कृषक दिवस । नेपालमा हरेक वर्ष जेठ २७ का दिन राष्ट्रिय कृषक दिवस मनाइन्छ । कृषि प्रधान देश नेपालमा कृषि क्षेत्रको विकास व्यावसायीकरण र उन्नयनका लागी २०७० सालबाट मनाउन सुरु गरिएको राष्ट्रिय कृषक दिवसको १२ औँ वर्ष सम्म आइपुग्दा अहिले पनि नेपालमा कृषि गर्नेहरुको संख्या एकदमै न्युन छ ।

कृषि नेपालमा कृषिको सम्भावना छैन भनेर विदेशीनेहरुको संख्या दिनानुदिन बढ्दो छ । तर पनि सरकारले कृषी क्षेत्रमा लागेका कृषकहरु उचित मुल्याङ्कन गर्न सकेको छैन । आजको दिन राष्ट्रिय कृषक महासंघले कृषि कृषि पेशामा लागेका व्यक्तिहरुलाई सम्मानित गरि यो दिवस मनाउने गर्दछ ।

तर हिमाली जिल्ला सोलुखुम्बुमा भने यो दिवसको बारेमा खासै जानकारी छैन । न समुदायलाइ न सराेकारवालालाइ  । छन त केवल नारामा सिमित दिवसका हल्लामात्र । यहाँको कृषि क्षेत्रमा लागेका कृषकहरूलाइ उचित प्राेत्साहन नभएकाे किसानहरूकाे भनाइ छ । स्थानीय तहहरूसँग कार्यक्रम त छन तर कार्यान्वयन फितलाे छ ।

प्रभावकारी कार्यक्रम नहुँदा किसान र कृषि पेशा धरापमा पर्दै  गइरहेक छन। कृषकहरुको समस्या सामाधान र उत्पादनको बजारीकरणका लागी सबैभन्दा नजिकको समन्वयकारी भुमिका निर्वाह गर्ने सहयोगी सरकार स्थानीय सरकार भएपनि प्रभाबकारी नीति, कार्यक्रम नहुँदा किसान मर्कामा परेका हुन । अर्थतन्त्रकाे मेरूखदण्ड मानिएकाे कृषि पेशा धरासायी बन्दै जाँदा मुल्यबृद्विले गाँजेकाे छ ।