फागुन ११, सोलुखुम्बु । आसन्न प्रतिनिधि सभा सदस्य निर्वाचनका लागी आवश्यक तयारी मध्येको महत्वपूर्ण पाटो मतपत्र सोलुखुम्बु आइपुगेको छ । फागुन २१ गते हुने प्रतिनिधिसभा सदस्य निर्वाचनका लागि सोलुखुम्बु जिल्लामा प्रत्यक्ष तथा समानुपातिक तर्फको मतपत्र शुक्रबार नै आइपुगेको हो । प्रतिनिधिसभाको दुबै निर्वाचन प्रणाली तर्फ जिल्लाका लागी कुल १ लाख ८९ हजार मतपत्र जिल्लामा आइपुगेको हो ।
मुख्य निर्वाचन अधिकृत चन्द्र कुमार पोखरेलका अनुसार प्रत्यक्षतर्फ ९२ हजार र समानुपातिकतर्फ ९७ हजार मतपत्र आएको जिल्लामा आइपुगेको छ । मतपत्र सुरक्षित रूपमा राखी रुजु गर्ने काम भइरहेको छ । मुख्य निर्वाचन अधिकृत पोखरेलका अनुसार प्रत्यक्ष तर्फको ९२ हजार मतपत्र सोमबार सम्म रुजु भइसक्ने र समानुपातिक तर्फको मतपत्र रुजु गर्ने काम मङ्गलबार बिहानबाट धमाधम सुरु हुने छ । निर्वाचन प्रयोजनका लागी चाहिने अन्य सामाग्रीहरू समेत जिल्लामा आइसकेको निर्वाचन कार्यालय सोलुखुम्बुले जनाएको छ ।
Discussion about this post