सोलुखुम्बुको माथिल्लो क्षेत्रमा हिमपात, डाँडा सेताम्मे

फागुन १२, सोलुखुम्बु । हिमाली जिल्ला सोलुखुम्बुको माथिल्लो भेगहरूमा हिमपात भएको छ ।  मंगलबार दिउँसोबाट सोलुखुम्बुको माथिल्लो हिमाली क्षेत्रमा हिमपात सुरु भएको हो । हिमपात भएसँगै यहाँका डाँडाकाँडा र पाखाहरू सेताम्मे भएका छन् ।  लामो समयपछि परेको हिउँले यहाँकाे पर्यटन र कृषि दुबै क्षेत्रमा लाभ मिल्ने कृषकहरूको भनाई छ ।  विशेषगरि हिमाली बालीहरु आलु र जौको उत्पादनका लागी यतिखेर परेको हिउँ राम्रो मानीने कृषि ज्ञान केन्द्र सोलुखुम्बुले जनाएको छ ।  जिल्लाको पर्यटकीय क्षेत्र पत्ताले बाट माथिल्लो क्षेत्रहरूमा हिमपात भएको छ ।  पत्ताले, पिके, दुधकुण्ड लगायतका क्षेत्रमा हिमपात भएको स्थानीयहरुले बताएका छन् ।  यद्यपी नाम्चे खुम्बु क्षेत्रमा भने माैसम सामान्य धम्मीएकाे मात्रै अवस्था रहेकाे जिल्ला प्रहरी कार्यालय साेलुखुम्बुले जनाएकाे छ ।  हिमपातका कारण ओखलढुंगा सल्लेरी सडकको पत्ताले क्षेत्र निकै जोखिमपुर्ण समेत बनेको छ। सडकमा हिउँ जमेकाले सचेत भएर यात्रा गर्न जिल्ला प्रशासन कार्यालय सोलुखुम्बुले आग्रह गरेको छ ।