मोटरसाइकल दुर्घटनामा परि प्रहरी चौकीका इन्चार्ज रविन्द्र ठाकुरको मृत्यु

जेठ २७,साेलुखुम्बु । सिन्धुलीको फिक्कल गाउँपालिकामा मोटरसाइकल दुर्घटना हुँदा रत्नावती प्रहरी चौकीका इन्चार्ज असइ रविन्द्र ठाकुरको मृत्यु भएको छ। गस्तीगर्दै  चौकीतर्फ फर्कने क्रममा फिक्कल गाउँपालिका ५ झगरेवेसी भित्री सडकमा आइतबार अपरान्ह भएको मोटरसाइकल दुर्घटनामा परि घाईते भएका ठाकुरको उपचारको क्रममा मृत्यु भएको हो। दुर्घटनामा परि  घाईते भएका रत्नावती प्रहरी चौकीका इन्चार्ज प्रहरी सहायक निरिक्षक रविन्द्र ठाकुर सहित दुइजना गम्भिर घाइते हुनुभएकाे थियाे ।  उहाँकाे उपचारको लागि सुनकोशी सामुदायिक  अस्पताल लगिएको थियो। धनुषाको कमला नगरपालिका ९ घर भएका ठाकुर रत्नावती प्रहरी चौकीमा कार्यरत हुनुहुन्थ्यो। ठाकुर सहित मोटरसाइकलमा पछाडी सवार तनहु भिमाद नगरपालिका ७ का प्रहरी सहायक हवल्दार सुर्यकुमार श्रेष्ठ गम्भीर घाईते भएका हुन्। गम्भीर घाईते भएका प्रहरी सहायक हवल्दार सुर्यकुमार श्रेष्ठलाई थप उपचारका लागि हेलिकप्टर मार्फत काठमाडौं पठाइएको  जिल्ला प्रहरी कार्यालय सिन्धुलीले जनाएकाे छ ।   प्रदेश ३-०२-००१ब ४७९ नम्बरको मोटरसाइकल अनियन्त्रित भई सडकबाट ५० मिटर तल खसेको जिल्लाप्रहरी कार्यालय सिन्धुलीका प्रहरी उपरिक्षक गोविन्द काफ्लेले जानकारी दिनुभयो।