सोलुखुम्बुमा एक महिनामा ४ प्रतिवादी पक्राउ

सोलुखुम्बु, चैत्र २। हिमाली जिल्ला सोलुखुम्बुमा एक महिनाको अवधिमा ४ जना प्रतिवादी पक्राउ परेका छन्। जिल्ला प्रहरी कार्यालय सोलुखुम्बुले सार्वजनिक गरेको तथ्याङ्क अनुसार चालु आर्थिक वर्ष २०८२/०८३ को फागुन महिनामा उक्त संख्यामा प्रतिवादी पक्राउ परेका हुन्।

जिल्ला प्रहरी कार्यालय सोलुखुम्बुका सूचना अधिकारी विकास राईका अनुसार पक्राउ पर्नेहरूमा २ जना प्रतिवादी र २ जना फरार प्रतिवादी रहेका छन्। उनीहरूलाई विभिन्न मुद्दामा अदालतबाट फैसला भइसकेपछि फरार रहेका अवस्थामा तथा अनुसन्धानका क्रममा प्रहरीले नियन्त्रणमा लिएको हो। प्रहरीका अनुसार फरार प्रतिवादीलाई पक्राउ गरी सम्बन्धित अदालतमा पेश गरिएको छ भने अन्य प्रतिवादीमाथि आवश्यक कानुनी प्रक्रिया अघि बढाइएको छ।