सोलुखुम्बुमा एक युवक बेपत्ता, खोजी कार्य तीव्र

चैत्र ३, सोलुखुम्बु । सोलुखुम्बुको माप्य दुधकोशी गाउँपालिका वडा नम्बर २, अधेरीबाट एक युवक हराएको घटना सार्वजनिक भएको छ। स्थानीय बासिन्दा सुरज थारू फागुन १० गते बिहान करिब ०४स्०० बजेबाट सम्पर्कविहीन भएका हुन्। प्राप्त जानकारी अनुसार हराइरहेका सुरज थारूको हुलिया उनको आँखाको कपाल लामो र कालो, वर्ण गहुँगोरो रहेको छ।

साथै उनले दाह्री–जुँगा पालेका छन्। विशेष चिन्हका रूपमा घाँटीमा क्रसको ट्याटु खोपिएको छ भने दायाँ हातमा अक्षरको ट्याटु र बायाँ हातमा ड्रागनको चित्र भएको ट्याटु देखिन्छ। घटनापछि परिवार र स्थानीयवासीले खोजी कार्य जारी राखेका छन् भने जिल्ला प्रहरी कार्यालय सोलुखुम्बुले पनि खोजी कार्यलाई तीव्र बनाएको जनाएको छ।

यदि कसैले उक्त व्यक्तिलाई कतै देख्नुभएको छ भने नजिकको प्रहरी कार्यालय वा जिल्ला प्रहरी कार्यालय सोलुखुम्बुमा सम्पर्क गरी जानकारी गराइदिन अनुरोध गरिएको छ। सम्पर्कका लागि उपलब्ध नम्बरहरूस् ९८५२८९०१९९, ०३८–५२०१९९ तथा हटलाइन १०० रहेका छन्। प्रहरीले सर्वसाधारणलाई सहयोगका लागि अपिल गर्दै सत्यतथ्य जानकारी उपलब्ध गराइदिन आग्रह गरेको छ।