उदयपुरको रुपाटारमा बिद्यालय दिवा खाजाको महत्व र स्वास्थ्य सम्बन्धी अभिमुखिकरण कार्यक्रम

चैत्र ३, सोलुखुम्बु । उदयपुरको ताप्ली गाउँपालिका वडा नं ५, रुपाटारमा बिद्यालय स्तरमा सञ्चालन हुने दिवा खाजाको महत्व, व्यवस्थापन, स्वास्थ्य तथा पोषण र सरसफाइ सम्बन्धी अभिमुखिकरण कार्यक्रम सम्पन्न भएको छ । मंगलबार बहुक्षेत्रिय पोषण योजाको समन्वय, वल्र्ड भिजन नेपालको सहयोग तथा हुरेण्डेक उदयपुर र जिड्स उदयपुरको आयोजनामा उक्त कार्यक्रम सम्पन्न गरिएको हो ।

कार्यक्रममा ८ वटा बिद्यालयका बालक्लवका प्रतिनिधि, स्वास्थ्य फोकल शिक्षक, बिव्यसका पदाधिकारी,र अन्य सरोकारवालाहरुको उपस्थिती रहेको सहकर्मी ठबिन्द्र मगरले जानकारी दिनुभयो । कार्यक्रममा दिवा खाजालाई स्थानिय स्तरको खाद्य बस्तुहरुको उपयोग र प्रयोगमा जोड,स्वास्थ्य तथा सरसफाई, आईरन फोलिक एसिडको समूचित प्रयोग सम्बन्धी अन्तरक्रिया तथा अभिमुखिकरण गरिएको थियो ।