सुकेपोखरी प्रहरी चौकीमा कार्यरत प्रहरी हवल्दार घिमिरे बने फागुन महिनाको सर्वोत्कृष्ट प्रहरी

चैत्र ६, सोलुखुम्बु । प्रहरी हवल्दार दिपेन्द्र प्रसाद घिमिरेलाई पोलिस अफ द मन्थ बनेका छन् । जिल्ला प्रहरी कार्यालय सोलुखुम्बुले प्रहरी चौकी सुकेपोखरीमा कार्यरत उनलाई फागुन महिनाको सर्वोत्कृष्ट प्रहरी घोषणा गरेको हो । फागुन महिना भर उनले सम्पादन गरेका कामका आधारमा कार्यालयका प्रहरी नायब उपरक्षक डीएसपी मनोजित कुँवरले घिमिरेलाई फागुन महिनाको सर्वोत्कृष्ट प्रहरी घोषणा गरि प्रमाणपत्र प्रदान गर्नुभएको हो ।

सोलुखुम्बुको थुलुङ दुधकोसी गाउँपालिकामा गत फागुन ७ गते घटेको एक जबरजस्ती करणी सम्बन्धी घटनालाई सही ढङ्गले निक्र्यौल गरि अपराध अनुसन्धानमा उल्लेखनीय काम गरेको, प्रतिनिधिसभा सदस्य निर्वाचन २०८२ मा सक्रियतापुर्वक खटिई काम गरेको, जिल्लाको आदेशलाई अक्षरसः पालना गरि जिम्मेवारी निर्वाह गरे वापद उनलाई फागुन महिनाको सर्वोत्कृष्ट प्रहरी घोषित गरिएको जिल्ला प्रहरी कार्यालय सोलुखुम्बुले जनाएको छ ।

प्रहरी चौकी हुक्नाजौर खोटाङ दरबन्दी भएका घिमिरे प्रहरी चौकी सुकेपोखरीमा कार्यरत छन् । जिल्ला प्रहरी कार्यालय सोलुखुम्बुले कार्य सम्पादन लगायत विषयमा मूल्याङ्कन गरि हरेक महिना प्रहरी अधिकारीहरूलाई उत्कृष्ट प्रहरी घोषित गर्दै आएको छ । यसले प्रहरीको मनोबल बढ्ने अपेक्षा गरिएको डीएसपी कुँवरले बताउनुभयो ।