सोलुका ९ महिलाकाे आङखस्ने समस्याको निशुल्क शल्यक्रिया, बजेट अभावमा अन्य १ सय ११ जना छुटे

          चैत्र १३, सोलुखुम्बु ।हिमाली जिल्ला सोलुखुम्बुका महिलाहरुको निशुल्क पाठेघरको शल्यक्रिया गरिएको छ।  जिल्ला अस्पताल फाप्लुले जिल्लाका १० जना महिलाहरूलाई आङ खस्ने समस्याको निशुल्क शल्यक्रिया सेवा उपलब्ध गराएको हो । कोशी प्रदेश स्वास्थ्य मन्त्रालयको वार्षिक स्वीकृत कार्यक्रम अन्तर्गत आर्थिक वर्ष २०८२/८३ को बजेटबाट महिलाहरूको आङ खस्ने समस्याको निशुल्क शल्यक्रिया गरिएको हो ।

 बुधबार बाट सुरु भएको शल्यक्रिया शुक्रबार सम्म ९ जना महिलाहरूलाई सेवा दिएर समापन गरिएको जिल्ला अस्पताल फाप्लुका निमित्त मेडिकल सुपरिटेन्डेन्ट डाक्टर बिनेश मण्डलले बताउनुभयो । उहाँले जिल्लाभर अस्पतालले गरेको स्कृनिङ र पालिकाहरुबाट प्राप्त तथ्याङ्क अनुसार हाल १ सय २० जना महिलाहरू यो समस्या बाट प्रताडित भएको पाइएको छ ।

 उक्त सङ्ख्याका बिरामीहरू मध्ये केही पालिकाबाट हुने कार्यक्रम मार्फत लाभान्वित भएको भएपनि धेरै सङ्ख्यामा अझै पनि महिलाहरु यो समस्याबाट प्रताडित भइरहेको तथ्य आँखै अघि रहेको उल्लेख गर्नुभयो ।  यि सबै महिलाहरूको उपचारका लागी यस वर्ष पर्याप्त बजेट नभएकाले सम्भावना नभएको भन्दै उहाँले आगामी वर्षहरूमा निरन्तर कार्यक्रम आउने अपेक्षा गरेको उल्लेख गर्नुभयो ।

 अस्पताल व्यवस्थापन समितिले धेरै भन्दा धेरै महिलाहरूलाई लाभान्वित बनाउनका लागी पहल गरिरहेको भएपनि प्रयत्नले सार्थकता पाउने वा नपाउने निश्चित नभएकाले हाल कार्यक्रम ९ जनालाई सेवा दिएर बन्द गर्नुपर्ने अवस्था भएको उहाँको भनाई थियो ।  यस वषर्, मन्त्रालयले विनीयोजन गरेको उक्त बजेट मार्फत ९ जनाले सेवा लिएका छन् ।

 ग्रामीण भेगका बिरामीहरूसँग प¥याप्त उपचार खर्च नहुँदा रोग पालेर बस्नुपर्ने बाध्यता रहिआएको छ ।  पहाडी भेगमा यो समस्या व्यप्त रहेको उपचारमा संलग्न डाक्टर अभिताव ठाकुरको भनाई छ ।