एमाले फाप्लु वडा समितिका अध्यक्ष सहितका पदाधिकारीले गरे सामूहिक परित्याग 

चैत्र १६, सोलुखुम्बु ।  सोलुखुम्बुको सोलुदुधकुण्ड नगरपालिकाको एउटा एमाले वडा कमिटीले सामूहिक राजीनामा पेश गरेको छ । लामो समय देखी पार्टीको काममा कृयासिल रहेका वडा तहका पार्टी पदाधिकारीहरूले सामूहिक राजिनामा दिएका हुन ।

 नगरपालिकाको वडा नम्बर ४ को वडा समितिका अध्यक्ष सहित उपसचिव तथा सदस्यहरूले जिल्ला कार्य समिति समक्ष राजिनामा पत्र बुझाएका हुन ।  पछिल्लो समय नेकपा एमालेको नेतृत्वहिन, विचारहिन हुँदै एकात्मक शासन प्रवृतिमा लिप्त् भएको भन्दै पार्टीको वडा कमिटीका उच्च पदाधिकारीले राजीनामा दिएका हुन ।  

सामूहिक राजिनामा पेश गर्नेहरुमा वडा नम्बर ४ कमिटीका अध्यक्ष ल्हाक्पा लामा, उपसचिव पासाङफुटी शेर्पा, सदस्यहरू पासाङ लामा, निमा शेर्पा, गेलु शेर्पा, सुम्बा शेर्पा र काजी तामाङले राजीनामा दिएका हुन । उनीहरूले देशमा विकसित पछिल्लो राजनीतिक घटनाक्रममा पार्टी र नेतृत्वहरूले सही दिशा दिन नसकेकोले राजीनामा बुझाएको बताएका छन् ।