१ लाख पुरस्कार राशीको नृत्य प्रतियोगिता, नृत्यकारका लागी अवसरै अवसर 

चैत्र ९, सोलुखुम्बु । सोलुखुम्बुको दुधकुण्ड ज्वालामाई युवा समुह स्थापनाको अवसरमा खुल्ला एकल नृत्य प्रतियोगिता हुने भएको छ ।  आगामी बैशाख १५ गतेबाट १९ गते सम्म ३ दिन युवा समुहले आफ्नो स्थापनाको अवसरमा सांस्कृतिक कार्यक्रम गर्ने भएको हो । आज सल्लेरीमा आयोजित एक पत्रकार सम्मेलन गरेर सो बारेमा जानकारी गराइएको हो ।  संस्थाका अध्यक्ष टिकाराम परियार तथा कार्यक्रम संयोजक छिरिङ तामाङले पत्रकार सम्मेलन मार्फत कार्यक्रम बारे जानकारी दिँदै नृत्य कलाकारहरूलाई सहभागीता कोलागी आह्वान गरेका छन् ।  खुल्ला एकल नृत्य प्रतियोगिताको प्रथम पुरस्कार राशि १ लाख तोकिएको छ ।  यस्तै द्वितीय, तृतीय, सान्त्वना र पाँचौ हुनेलाई क्रमशः ५० हजार, २५ हजार, १० हजार र ५ हजार पुरस्कारको साथमा प्रमाणपत्र प्रदान गरिने आयोजकले जनाएको छ ।