सल्लेरीमा एसइईका कारण बढ्यो चहलपहल

चैत्र १९ सोलुखुम्बु । हिमाली जिल्ला सोलुखुम्बुमा सल्लेरीको चहलपहल बढ्न थालेको छ । सदरमुकाम हुनका साथै १९ गते विहीबारबाट हुन लागेको माध्यमीक शिक्षा परीक्षका कारण पनि सल्लेरीमा चहलपहल बढेको हो । भोली विहिबारबाट सुरु हुने परीक्षाका लागी जिल्लाको एक मात्र नगरपालिकाका ११ वडाका विद्यार्थीहरु परीक्षाका लागी सल्लेरीमा जम्मा भएका छन् । १३ वटा परीक्षा केन्द्र रहेको जिल्लामा सोलुदुधकुण्ड नगरपालिकाको समेत केन्द्र रहेकाे सल्लेरीमै ३ वटा केन्द्र भएकाले पनि विद्यार्थीहरुको चहलपहलले सल्लेरी भरिभराउ देखीएको छ । परीक्षार्थीका कारण घरहरुका खाली कोठाहरु भरिएका छन भने आर्थिक गतिविधी समेत चलायमान हुने देखीएको छ । भोलीबाट सुरु हुन लागेको परीक्षामा जिल्लाभरका १६ सय ३६ विद्यार्थी सहभागी हुँदै छन् ।