अप्ठयारो सडकमा भुपू मन्त्री भुपेन्द्रको नजर, तल्लो विजयखर्कका लागी सहजता

चैत्र ९, सोलुखबुम्बु । खोटाङको दिक्तेल रुपाकोट मझुवागढी नगरपालिका–१५ विजयखर्कमा सडक ढलानको काम सुरु भएको छ । वडाको चमपावती माध्यमिक विद्यालय बाट रातमाटे गाउँ तर्फ झर्ने सडकको कठिन अवस्थाको सडक ढलाल सुरु भएको हो । ग्रामीण यातायातलाई थप सहज र सुरक्षित बनाउने उद्देश्यले सडक स्तरोन्नति गर्दै ढलान कार्य अगाडि बढाइएको हो ।

वडा कार्यालयदेखि साप्सुखोला लिपे दोभानसम्मको सडक स्तरोन्नति आयोजाना अन्तर्गत पर्ने उक्त सडक भौतिक पुर्वाधार विकास मन्त्रालय अन्तर्गतको बजेट मार्फत ढलान कार्य सुरु भएको जनाइएको छ । पुर्व मन्त्री भुपेन्द्र राईको पहलमा मूल्य अभिवृद्धि कर र पिएस सहित राधा भगवती कन्स्ट्रक्सन एण्ड सप्लायर्स प्रा.लि. ले ३७ लाख ७३ हजार २ सय ३२ रुपैयाँ बजेटमा कामको जिम्मा लिएको भौतिक पूर्वाधार विकास कार्यालय खोटाङले जनाएको छ ।

निर्माण कार्यका लागि २०८२ माघ २२ गते ठेक्का सम्झौता भएको योजनाको काम २०८३ जेठ ३१ गतेभित्र सम्पन्न गर्नुपर्ने सम्झौतामा उल्लेख छ । सडक ढलान सम्पन्न भएपछि हिलो र धुलोबाट मुक्त हुने स्थानीय सागर खनालले जानकारी दिए