खोटाङ, चैत्र २६ । खोटाङको हलेसी तुवाचुङ नगरपालिका ‘म्युनिसिपल एक्सीलेन्स अवार्ड’ बाट सम्मानित भएको छ । नेपाल नगरपालिका संघको ३३औँ स्थापना दिवसको अवसरमा प्रदान गरिएको उक्त अवार्ड नगरपालिकाले संस्थागत विकास, सेवा प्रवाह र वित्तीय सुशासनका सूचकमा उत्कृष्ट अंक प्राप्त गर्दै ९० अंक हासिल गरेपछि यो अवार्ड प्राप्त गरेको हो।
राजधानीमा आयोजित विशेष समारोहबीच नगरप्रमुख विमला राईले प्रतिनिधिसभाका सभामुख डोलप्रसाद अर्यालबाट अवार्ड ग्रहण गर्नुभयो । मूल्यांकनमा उच्च अंक ल्याउँदै देशभरका नगरपालिकामध्ये उत्कृष्ट स्थान हासिल गर्न सफल हलेसी तुवाचुङले सुशासन र प्रभावकारी सेवा प्रवाहको नमुना प्रस्तुत गरेको आयोजकले जनाएको छ।
पूर्वको पशुपतिनाथका रूपमा परिचित हलेसी मन्दिर अवस्थित यस नगरपालिकाले पछिल्लो समय आर्थिक अनुशासन, पारदर्शिता र उत्तरदायित्वका क्षेत्रमा उल्लेखनीय सुधारको नमुना प्रदर्शन गर्दै आएको छ । स्थानीय तहको सेवा प्रवाहलाई नागरिकमैत्री बनाउने तथा संस्थागत क्षमता अभिवृद्धिमा केन्द्रित कार्यक्रमहरूले नगरपालिकालाई उत्कृष्टताको शिखरसम्म पु¥याएको सरोकारवालाहरूको भनाइ छ ।
Discussion about this post