चैत्र २७, सोलुखुम्बु । जिल्ला प्रशासन कार्यालय सोलुखुम्बुले बजार अनुगमनबाट १९ हजार रुपैँया बढी को सामाग्री जफत गरेको छ । सहायक प्रमुख जिल्ला अधिकारी नरेन्द्र कुमार श्रेष्ठको नेतृत्वमा गएको बजार अनुगमन टोलीले १९ हजार १ सय ४० रुपैयाँ बराबरको सामाग्री जफत गरेको हो । उपभोक्ता हित संरक्षणका लागी कार्यालयले समय समयमा बजार अनुगमन गरि म्याद गुज्रिएका तथा अखाद्य बस्तुहरू जफत गर्दै आएको छ ।
आज जिल्ला सदरमुकाम सल्लेरीका मासु पसल, किराना पसल, होटल तथा कृषि भेटरिनरी ३७ वटाको अनुगमन बाट उक्त रकम बराबरको सामाग्री जफत गरिएको सहायक प्रमुख जिल्ला अधिकारी नरेन्द्र कुमार श्रेष्ठले बताउनुभयो । म्याद गुज्रिएका सामाग्री जफत गरि सञ्चालकरूलाई सचेत समेत गराइएको छ । अनुगमनका लागी जिल्ला प्रशासन, घरेलु तथा साना उद्योग कार्यालय, जिल्ला प्रहरी कार्यालय, सोलुदुधकुण्ड नगरपालिका, कृषि ज्ञान केन्द्र सहितको संयुक्त टोली पुगेको थियो ।
Discussion about this post