सोलुमा सिर्जना उत्सव कार्यक्रम,  २० औँ कविका कविता एउटै महफिलमा, २ सर्जकलाइ पुरस्कार

चैत्र २८, सोलुखुम्बु । हिमाली जिल्ला सोलुखुम्बुमा ३ दिने साहित्य गोष्ठी सम्पन्न भएको छ ।  नेपाल कला साहित्य डट कम प्रतिष्ठानको आयोजनामा जिल्लामा ३ दिने कला साहित्यिक गोष्ठी सम्पन्न भएको हो ।  प्रतिष्ठानका अध्यक्ष मोमिला जोशीको अध्यक्षता, नाट्य निर्देशक अशेष मल्लको प्रमुख आतिथ्यतामा सिर्जना उत्सव सम्पन्न गरिएको हो ।  कार्यक्रममा २० बढी कविहरूले आफ्ना रचना वाचन गरेर सुनाएका थिए भने स्थानीय कविहरूले समेत आफ्ना रचना वाचन गरेका थिए । सिर्जना उत्सवमा कविहरू मुकुन्द प्रयास, मणि लोहनी, लक्ष्मण गाम्नागे लगायतले आफ्ना कविता सुनाएका थिए ।

नेपाली कला साहित्यको जगेर्ना गर्दै नयाँ पुस्तामा कला साहित्य हस्तान्तरणकाे उद्देश्य सहित संस्थाले हरेक वर्ष देशका विभिन्न जिल्लाहरूमा गएर सिर्जना उत्सव गर्दै आएको जनाइएको छ ।  उत्सवको अवसरमा सोलुखुम्बुका १ सहित २ जना सर्जकहरुलाई पुरस्कार समेत वितरण गरिएको छ । प्रतिष्ठित योगेश्‍वर वाङ्मय पुरस्कार तथा ग्रेगोरी कला साहित्य पुरस्कार २ जनालाई वितरण गरिएको हो ।  

जसमध्ये रुकुम पूर्वका कवि पूर्ण ओलीलाई २५ हजार रुपैयाँ पुरस्कार राशीको योगेश्वर बाङ्मग पुरस्कार प्रदान गरिएको छ ।  पुरस्कारका संस्थापक राजेश्वर कार्कीले उक्त पुरस्कार वितरण गर्नुभयो । यस्तै अन्तराष्ट्रिय ग्रेगोरी साहत्यि पुरस्कार सोलुखुम्बुका युमन खालिङलाई प्रदान गरिएको छ ।  २० हजार रुपैयाँ राहीको पुरस्कार खालीङलाई आफ्नो संस्कार संस्कृति तथा भेषभुषाको संरक्षणमा साहित्यको माध्यमबाट पु¥याएको योगदान स्वरुप पुरस्कृत गरिएको आयोजकले जनाएको छ ।

 हिमालयन याकमा सम्पन्न कार्यक्रममा जिल्लामा साहित्यमा कलम चलाउने उत्र कुमार राई, केशवदेव गिरी, महेन्द्रदिप राई, सुस्मा बस्नेत, युमन खालीङ, मेरुदण्ड राई, सुभास संगम राई, लगायतले कविता वाचन गरेका थिए ।