भकान्जेका चिया उत्पादकलाई भुक्तानी, सेयर सदस्यलाई ९ प्रतिशत मुनाफा

चैत्र २९, सोलुखुम्बु । लिखुपिके गाउँपालिका–५ भकान्जेमा सञ्चालित भकान्जे टि स्टेटले आर्थिक वर्ष २०८२ मा चिया कृषकहरूलाई ३३ लाख ६५ हजार रुपैयाँ भुक्तानी गरेको छ । फ्याक्ट्रीलाई हरियो पत्ती उपलब्ध गराउने कृषकहरूलाई उक्त रकम वितरण गरिएको कम्पनीले जनाएको छ ।

वितरण गरिएको रकममध्ये सबैभन्दा बढी भुक्तानी आङ दावा शेर्पाले पाउनुभएको छ। उहाँले मात्रै ३ लाख १९ हजार रुपैयाँ प्राप्त गर्नुभएको कम्पनीले जनाएको छ। भुक्तानी वितरण कार्यक्रमका प्रमुख अतिथि नाम्गेल जाङ्बु शेर्पा रहनुभएको थियो भने विशिष्ट अतिथिका रूपमा हिमालय प्रोजेक्टका कार्यकारी निर्देशक कुर्ट लम्बर्गको उपस्थिति रहेको थियो। यसै अवसरमा कम्पनीले आफ्ना सेयर सदस्यहरूलाई ९ प्रतिशत मुनाफा वितरण गरेको छ। गत आर्थिक वर्षमा कम्पनीले ८ प्रतिशत मुनाफा वितरण गरेको थियो।

कम्पनीका अनुसार विगत पाँच वर्ष (२०७७–२०८२) को अवधिमा कुल १ करोड ९३ लाख रुपैयाँ बराबरको चिया बिक्री भएको छ। आर्थिक वर्ष २०८२ मा मात्रै ६५ लाख ५० हजार रुपैयाँको चिया बिक्री भएको कम्पनीले जनाएको छ।ल भकान्जे टि स्टेटले स्थानीय कृषकको उत्पादनलाई बजारसँग जोड्दै आम्दानी वृद्धिमा योगदान पु¥याउँदै आएको छ ।