सुरु भयो गोक्यो क्लाइमेट सम्मेलन, जलवायु परिवर्तनकाे बहस केन्द्रमा

बैशाख ४, सोलुखुम्बु ।  सोलुखुम्बुको गोक्यो क्षेत्रमा गोक्यो क्लाइमेट समिट २०२६ सुरु भएको छ ।  विश्व पृथ्वी दिवसको अवसर पारेर सोलुखुम्बुको हिमाली क्षेत्र गोक्योमा समिट सुरु भएको हो । वातावरण संरक्षणको क्षेत्रमा काम गर्दै आएको गैरसरकारी संस्था साथसाथैको आयोजनामा विहीबारबाट सुरु भएको सम्मेलनमा जलवायु परिवर्तनका चुनौतीबारे गहन छलफल हुने जनाइएको छ ।

हिमाल र हिमाली क्षेत्रमा देखिँदै गएको जलवायु परिवर्तनको असर, हिमनदी पग्लिने अवस्था, तथा स्थानीय जनजीवनमा परेको प्रभावका विषयमा छलफल एवं अन्तरकृया हुने सहकर्मी गोमा बस्नेतले जानकारी दिनुभयो । यसका साथै, दिगो पर्यटन र वातावरण संरक्षणका विषयमा समेत उक्त सम्मेलनमा बहस हुने छ ।  यस सम्मेलनलाई एक कार्यक्रमको रुपमा मार्फत नभई पृथ्वी बचाउने साझा अभियानको रुपमा व्याख्या गर्दै आयोजकले कार्यक्रम मार्फत हिमाल जोगाउने सन्देश फैलाउने, वातावरण प्रति जिम्मेवार बन्न प्रेरित गर्ने एवं आउने पुस्ताका लागि प्रकृति संरक्षण गर्ने लक्ष्य राखिएको छ ।

सम्मेलनमा प्रतिनिधिसभाका सदस्य तथा पूर्व उपसभामुख इन्दिरा राना मगरको सहितका ३१ जना टोली सहभागी छन् ।  कार्यक्रममा फरकफरक पेशामा आबद्ध व्यक्तिहरूको सहभागिता रहेको बस्नेतले बताउनुभयो । कार्यक्रममा सहभागीहरूले आ–आफ्नो क्षेत्रबाट जलवायु परिवर्तनका विषयमा विचार, अनुभव र समस्या समाधान का उपायहरू प्रस्तुत गर्न सक्नेछन् ।

सहभागीहरूले आफ्नो दृष्टिकोण राख्दा जलवायु परिवर्तनको प्रभावलाई बहुआयामिक रूपमा बुझ्न मद्दत पुग्नका साथै समस्या पहिचान भई व्यवहारिक समाधान खोज्न पनि मद्दत पु¥याउने विश्वास लिइएको आयोजक साथसाथैका अध्यक्ष प्रजिता कार्कीले बताउनुभयो ।